Page 79 - ibrahim_tennuri_gulseni_niyaz

İkinci Bölüm | Metinler

Vatan sevgisin imandur dimişler
Rasûli murtaza şeker yimişler

[17b] Eyâ can tahtınun Sultânı şâhı
Günahlu kullarun püşt ü penâhı

Senün işün şefa’atdur hemişe
İnâyetdür kerâmetdür hemişe

Günahkarem zâifem hor u zârem
Velî senden şefa’âtler umârem

Eğerçi şânına lâyık hâlimüz yok
Vesile kılmağa âmâlimüz yok

Seni âlemlere Hak virdi rahmet
Sana uyanlarundur baht u devlet

İlâhi ol habîbin hürmetiçün
Katunda kıymeti vü izzetiçün

Yolunda cehdü kuvvetleriçun
Şerif-i erkânı ve âdetleri içun

Sana şevk ü zevk ü şûriçün
Mübârek cephesinde nûriçün

Günâhkar ümmetine mihriçün
Nübüvvet nâmesinde mühriçün

Ebu Bekr’ün safa vü sıdkıçün
Ömer adlî vü Osman ışkıçün

Ali’nün ilm ü irfanı içün
Hasan cûri Hüseyn ihsânıçün

[18a] Şeri’at yolına varanlar içün
Tarikat hâline erenler içün

79