Page 74 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

[14b] İrişdi bir gice Cibril-i Derrak
Burak berk elinde cüst ü çalak

Bana cismile mîraç oldı hâsıl
Kamûdan mertebem a’lâ vü kâmil

Dilekden mi irişdi bu atâlar
Bana eltâf ü ikrâm ü vefâlar

Eğerçi nefsimiçün dileğüm yok
Velîkin ümmetimçün dileğüm çok

Ki kurtaram yazuklu ümmetümi
Anunçün yüce kıldum himmetümi

Bir avuç ümmetüm vardur günahkar
İlâhî korkudan anları kurtar

Yile virme bir avuç toprağı sen
Od’a yakma içür rahmet suyundan

Bûlarınçün kodum cân ü cihânı
Ne dünya belki mülk-i câvidânı

Belâ taşıyle dişüm çıktığından
Cefâ vü cevre gönlüm yaktığından

Vatan terki vü gurbet mihnetinden
Cihanun dürlü dürlü zahmetinden

Kamûsın çekdiğim anlaruniçûn
Tanukdur sözüme Hallâk’ı bîçûn

[15a] Bûlar cüz’ümdür ayırma küllden
Yaraşmaz bülbül olmak ayru gülden

Ne yirde kim olam benden ayırma
Bana anlarsuzın uçmaka dirme

74