Page 71 - ibrahim_tennuri_gulseni_niyaz

İkinci Bölüm | Metinler

Ne his kaldı ne akl ü fehm ü idrâk
Vücûdı cübbesini eyledi çâk

Berkidi baş göziyle gönül gözü
Görilen kendi ya hem kendi yüzi

Vücûdı ayınun âyinesince bakdı
Güneş yüzün yeynine kendi çakdı

Yuyuldı lâ vü illâllâh kaldı
Kul öldü mahv-i külli şâh kaldı

Yine kendi güder kendi cemâlin
Gidergil aradan kıldun hayâlin

Çü mim’i mahv oldı mim’i Ahmed
Ahad kaldı vü ayruk kalmadı ad

[13a] Basîret âciz andan hod basar kim
Haber var anlamadı bî-haber kim

Sadr-ı zâtında fikr olursa adlar
Bu aklın tıflına kân ola sedler

Ki zerre kandan Hürşid’i kanden
Ki müflis kandan Cemşid kanden

Rubûbiyyet sıfatından tecelli
Eğer kılmazsa olmazdı teselli

Kime kime kendü nûrından virüpdür
Yine ol nûr ile anı görüpdür

Niçün huffâş göremez âfitâbı
Niçün hayvana irişmez hıtâbı

Anı kim kendi içün var kıldı
Vücudın menba-ı envar kıldı

71