Page 66 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

İkisinden durur terkib-i Âdem
Anınçündür meleklerden mükerrem

Didi Seyyid ana gitme yeründen
Ki tâ çıkmayasın bâl ü peründen

Sana kanat hicâb oldı ki başlar
Gidüben sel olupdur kanlu yaşlar

Bu yolda can virenler minnet itmez
Bu yolda yanmayanun işi bitmez

Eğer pervâne perini sakındı
Özin şem’a urub kaçan yandı

[10a] Kanat pervâneye şem’a irince
Gerek cânın sever od’a girince

Sen ol Tavus gibi peri sevdün
Bu nakş içinde şekl ü fer’i sevdün

Kaçan pervâne olıserdür adun
Ki yanmakdan sakınursın kanadun

Ben ol pervâne aşkımki hâlüm
Budur kim od’a yaktum per ü bâlüm

Soyınmayınca olmaz suya dalmak
Sebükbâr olmayınca menzil almak

Dökülür bu havada bâl ü perler
Bu yolda mahvolur külli seferler

Nişansuz yol içün kodum nişanı
Beyan sığmaz dahi gördüm ayanı

Ayanun aynı çünkim aynum oldı
Bu aynum ayna bakdı aynı buldı

66