Page 61 - ibrahim_tennuri_gulseni_niyaz

İkinci Bölüm | Metinler

Sağı akl oldı solı nefs-i külî
İkiden nakş dur ülvî ve süflî

[7a] Hem evvel kâf u nûndur işâret
İki harfile oldı bu ibâret

Sıfat dahi celâli vü cemâli
İki olmakdur bilindi kemâli

Misali gice gündüzdür hakikat
Göre kimdeki var ise basiret

İki kısım oldı âlem on sekizden
Nitakim telhu şirin var gülezden

Nedir tafsil-i ma’ni anlayanlar
Ki ma’zur oldı sözi tanlayanlar

Düzüldi bâtınından âlem-i gayb
Bezendi zâhirinden şekl-i bî-ayb

Ne kim batındayıdı ayn’a geldi
Rumûz-ı şın ü kaf ü ayn oldı

Bu devrün nokta perkârı oldı
Bu deyrün nakşi vü mi’mârı oldı

Acep bülbül ki uçmadın yuvadan
Cihanı dopdolu kıldı nevadan

Zuhûr-ı şekli evvel Âdem oldı
Ki Âdem cânına ışk u dem oldı

Olaydı Âdem’e avz-ı emânet
Kil oldı mazhar-ı gayb ü şehâdet

[7b] Sağır işitdi pervaz itdi şehbaz
Ki şeh koluna kona söyleye raz

61