Page 60 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Ne Kürsi resmi var idi ne Arşun
Ne dağlar adı vardı ne Ferşün

Mühit olmışidi deryâyı vahdet
Temâmet garkıdı anda bu kesret

Tecellî eyledi zâtına zâtı
Bilinsün deyü esmâ vü sıfatı

[6b] Cemâlî aksini âyine kıldı
Belursin kim güneşe ayı ne kıldı

Ki tâ görine aksinden cemâli
İrişe hassa kim bedrün kemâli

İrâdet hâsıl oldı bu sebebden
Dahi matlûb tâlîb olmalıdan

Murid oldu murâdı kendüdür hem
Dilerdi zâhir ola İsm-i Âzam

Ki ol ismiyle biline müsemmâ
Görine gözlere sırr-ı mu’ammâ

Kaçan kim diledi oldı mehabbet
Mehabbetden Muhammed geldi sûret

Kalem kıldı vücudın anun ol bir
Mehabbet-nâmesin kim kıla tahrir

Kalem pes iki şak olmak gerekdür
Ki kâğıdı üzre ucından döke dürr

Pes oldı ol kalem dahi iki şak
Kalem tâ deprene vü yazıcı Hak

İki şakkun birisi oldı ma’ni
Birisi dahi sûret oldı ya’ni

60