Page 55 - ibrahim_tennuri_gulseni_niyaz

İkinci Bölüm | Metinler

Suhbi etbâ’ıyle Aliçün
Anlarun ilm ü kemâliçün

Anunçün kim beşâret irişdi
Canıçünkim işâret irişdi

[3b] Her biri bahr-i ilm-i Rabbânî
Her biri ayn-i lütf-i Yezdânî

Her biri muktedây-ı din oldı
Mahrem-i âleme yakin oldı

Anlarıniçün ki didi va şevkâh
Vasl-i ihvâniçün kim eyledi âh

Görmeden ana can virenleriçün
Sıdkıle yolına girenleriçün

Enbiyânun sana niyâziçün
Evliyânun gönülde râzıçün

Dört imâmun bir itikadıçün
Dini kemâlinde içtihadıçün

Her biri mürşid-i murâd oldı
İlm-i din içinde ustâd oldı

Anlarun şevkıyle derdiçün
Her sehar zevkiyle virdiçün

İlmiyle amel kılanlariçün
İlminin sırrını bilenleriçün

Anlarunçün kim ölmeden öldi
Yoklığa irdi sonra var oldı

İki âlemde el yuyanlariçün
Fikreti nakşini yuyanlariçün

55