Page 56 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

[4a] Işk odında ciger kebâbıçün
Hicr elinde gönül harâbıçün

Derdle reng-i saz yüzleriçün
Başlu bağrıle yaşlugözleriçün

Karânu giceler de ta’atıiçün
Subh-i dem va’de icâbetiçün

Canını ışka yâr edenleriçün
Aklını târ u mâr idenleriçün

Erba’in-i sabah sırrıiçün
Ol seharler deniz-i dürriçün

Bükülen ta’at ile belleriçün
Dûn ü gûn zikr içinde dilleriçün

Hasta içün ki hâs’a ola garip
Ne ana dost bulına ne tabib

Anun ol renc-i belâsıçün
Ol belâdan gelen velâsıçün

Hac yolında susız ölenleriçün
Kerbelâ’da şehid olanlariçün

Yire akan şehid kânıçün
Anun ol pak cismi cânıçün

Cümle mazlum olanun âhıçün
Hazrete gönül içre râhıçün

[4b] Ol kişiler ki olalar yohsul
Kimseden dilenmiyeler bir pul

Anlarun açlığı ile sabriçün
Dillerinde hemişe şükriçün

56