Page 52 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Âbidün ma’bedi ve ma’bûdı
Âşıkun maksadı ve maksûdı

Kâmetün senden erişür mededi
Sen yarattın bu cümle nik ü bedi

Ger eyüdür ger yavuzdur heb
Dükeline kulum didün Yâ Rabb

Ben kulun kim zaîf ü efkardür
Kullarından hakîr ü kemterdür

Şol kadar cürm ile günah itdüm
Kim amel defterim siyah itdüm

Dille dini içinde üstâdem
Fi’lile hak yolında key yâdem
Kulpun özüme tac idip kâkın
Ururam dilde ehl-i dil lâfın

Bir huzur ile ta’âtim yokdur
Ta’at içre halâvetüm yokdur

[2a] Secdeler kıluram ne işe yarar
Kuşa benzer ki yirde dâne direr

Gözüm ağlarsa yalan ağlar
Yaş yirine eğerçi kan ağlar

Ah idersem ne biter âhumdan
Çün müessir değül günâhımdan

Dışımı gerçi zühd ile bezerem
İçimi lîk but evi düzerem

Nefsüm azar buta hevesdür kim
Sımadum gerçi adım İbrahim

52