Page 58 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Gerçi kıldum ve sefalaruna cefa
Sen kılursun yene cefaya vefa

Erhamü’r-rahimîn özündür çün
Nâ-ümid olmaya meğer mağbun

Didün eylen dü’â mücîbim ben
Derdinüz arz idün tabîbim ben

Biz küstah lütfun eyledi bes
Yohsa şeker kaçan yise mekes

Dilimüz saklağıl hata sözden
Virdüğün hil’atı yavuz gözden

Yüzümüz karasın ağ eyle
Gönlümüz illetin sağ eyle

Sana döndür bu gönlümüz yüzüni
Sana bakdur bu hanumuz gözüni

[5b] Işk odıyla hicâbumuz yandur
Bizi vuslat şarâbına kandur

Işka can ü gönül talib kıl
Nefsi mağlub aklı gâlib kıl

İkilik gussasından âzâd it
Birliğiyle bizi anınla dilşâd it

Câm-ı vahdetden eylegil serhoş
Tâ ki varlıktan idevüz eli boş

Bizi çün var eyledün yoğ iken
Rahmet itsen ne tan yanduk çoğ iken

Evvelümde çû eyledün ma’lum
Âhirimde komayasın mahrum

58