Page 62 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Çü irdi göklere Tanrı Habibi
İrişdi cümle mürseller nasibi

Dükeli hazretine baş urdu
Elini kavışturub hizmetde durdu

Önünce turakı varır bin hazret
Mukarrebler kıldı ikrâm ü izzet

Melekler saf saf oldı taşra yoldan
Sena vü hamd okurlar sağ u soldan

Münâdi nârasından doldı eflâk
Ki âğah olun irdi Şâh-ı Levlâk

Sekiz uçmak hûrisi behti bezendi
Ana irmekliğe gönli özendi

Kadehler tutub elde hurü gılmân
Kimi çarh urur o gice kimi raksân

Çalar çengin zühre gâh tanbûr
El’e sûr’un almış sahib-i sûr

Ütarid medhidüb eyler duâyı
Bulur ol şâh lütfından atâyı

Güneş şem’inde bir pervâne oldı
Göricek Müşteri divâne oldı

[8a] Ne kim gizlü acâyib var gördi
Netice nice âşıkı olub süründi

Veli ol meyl kılmadı nazardan
Çeküben sürme mâzâga’l-basardan

Ana ger virmiyeydi Hak mededler
Kaçan koyub geçeydi bunca sedler

62