Page 67 - ibrahim_tennuri_gulseni_niyaz

İkinci Bölüm | Metinler

Bes otur kapuda derbânum olgıl
Hemişe sâil-i ihsânum olgıl

Benümdür çünki vakti lî maâllâh
Şeh ile kâni halvet kâni derğah

Çü sen kapuda sen halvet benümdür
İçin sultan ile işret benümdür

[10b] Çü geçti rûh-ı kudsi meskenetden
Nesim irişdi vahdet gülşeninden

Mekândan geçdi irdi lâ-mekâna
Ki şerhi gelmez ayruk bî-lisana

Ne merkep sıgar anda ve ne Refref
Ne yanınca melekler dahi saf saf

Mehebbet şem’idür ancak delili
Ki can ol şem’in olmış idi delili

Nazar kıldı vü istiğna göründi
Ridâ-yı Kibriyâyile büründi

Tehayyür âleminde kaldı nâçar
Muhammed’den Muhammed oldı bizar

Zihî hazret ki kadrün kadri yokdur
Rasûlün menzili vü sadri yokdur

Ganîdür cümle âlemden Samed’dür
Teâddüd sığmaz anda vü Ehad’dür

Muhammed sığmayıncak ol makama
Kıyas it kadri olanı hâs ü âm’a

Didi hayretde kaldım Yâ İlâhî
Ki sensin ben yetimün Padişâhı

67