Page 70 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Eğer âlâdur İdris’ün mekânı
Bana mahsûs kıldun lâ-mekânı

Eğerçi mûciz oldı Nuh tufân
Benüm mahkûmum oldı bahr-i gufrân

Halil’e gerçi virdün tâc hüllet
Habib itdün beni has oldı vahdet

Cihânun mâliki oldı Süleyman
Bana dünya vü ukba oliser ferman

Nedür dünya vü ukba belki fahrüm
Benüm fakr oldı sensin kân-ı bahrum

Mesihâ indi ger İncil-i nâfi’
Bana yikrek durur Kur’ân-ı câmi’

Ki bir harfinde bin ma’ni bulundı
Temâmet ilm-i gayb andan bilindi

Hurûfı Levh-i Mahfuz’un misâli
Kelâmı perdedür sensin cemâli

[12b] Ölü İsâ deminden câna irdi
Sana eren kişi cânâna irdi

Ana tâzim içün Mirâc’ın a’lâ
İdüb mahsûsı kıldı Hak-Teâlâ

Ol araya kim irdi şâh-ı ma’nâ
Düşünde görmedi Musâ vü İsâ

Ki akl irişmedüği râze irdi
Niyâzı terk idüben nâza irdi

Kadem çün kendüliğinden taşra basdı
Dükendi cehd oku yayı basdı

70