Page 69 - ibrahim_tennuri_gulseni_niyaz

İkinci Bölüm | Metinler

Çü irfân hâsıl oldı dil özendi
Bu nimet şükri vasfına özendi

Didi iy cümle âlem destigîri
Ganî lütfunla kıldun ben fakiri

Dilek sensün bana ayruk dilek yok
Gönülde sensün ayruk dilek yok

Ademden var kıldun bu vücudum
Sebebsüz senden irdi ilm-i cûdum

Risâlet göğine bedri ay kıldun
İki âlemde bî-hemtây kıldun

Cemi’i enbiyâdan server itdün
Bi-külli evliyâdan mihter-itdün

Eğerçi Âdemi mescûd kıldın
Ana hem ilm-i esmâ cûd kıldın

Beni sen kıble kıldun kendüzüne
Cemâlün âyine oldı yüzüne

Bana bildürdün esmâ vü sıfâtun
Benüm zâtımda kodun aynı zâtun

Dahi toprağ ile su idi Âdem
Beni kıldun Nebi andan mukaddem

[12a] Eğer Musâyı sen kıldun Kelîmün
Beni her ilmile itdün alîmün

Kelâm ilm ü hâs ü âm oldı
Birisi bâde birisi câm oldı

Birisi harf ü biri oldı ma’ni
Bu cism oldı cana muhtaç oldı ya’ni

69