Page 65 - ibrahim_tennuri_gulseni_niyaz

İkinci Bölüm | Metinler

Eğerçi olmadım ben senden ayru
Kaçan sen dahi oldun benden ayru

Gönülden her nefes Miraç idersin
Bu zâhir sûreti koyub gidersin

İrer bî-vasıta sana kelâmum
Kelâmiyle tahiyyat ü selâmum

Velî nâ’leynüne müştâk du Arş
Ayağun altında olmak diler Ferş

Bu kudsi âleme irsün şerefler
Bu bahr içinde dürr bulsun sedefler

Makâmı her Rasulün bir felekde
Kalubdur her birisi bir dilekde

Dikelsüz sen irişgil lâ-mekâna
Kadem bas fevkı Arş-ı Âsümâna

[9b] Hitâb-ı ırcı’î avaz kıldı
Rehâvi perdesinden saz kıldı

Olupdur nûr-i gayret karşuma sed
Makâmum oldı malûm bu durur had

Nitekim gönlün ile aklun oldı
Kodı aklı kaçan kim ışkı buldı

Ki aklun menzili mahdûd oldı
Anunçün ışk odında ûd buldı

Bu aklun yağıdur nefsün fitile
Gerekdür ışk odına ikisi bile

Hemin bir yalınuz yağ olıcak bil
Yanuben düşen olmaz feyh-i kandil

65