Page 73 - ibrahim_tennuri_gulseni_niyaz

İkinci Bölüm | Metinler

Hakikat hâli oldı Şer’i kâli
Berkidi vahdetiyle kâl ü hâli

İbâret kâbe kavseyn andan oldı
İkiden geçdi ev ednâ yı buldı 5

[14a] İki bah arasında berzah oldur
Ağac ü yaprağ arasında güldür

Didiler ana ceml el cem’ dahi
Nûriçündür fetil ü şem’i dahi

Gönüldür cism ü cânun arasında
Yengdür gözün ağ u karasında

Ki cem’i vahdet anun hâsı oldı
Kemâl-i himmet ü ihlâsı oldı

Birikdi sûret ü ma’ni düzüldü
Yine fer’ aslına irdi süzüldü

Mübârek cismini can itmişidi
Kudüret kalıbından gitmişidi

Anunçündür salmadı div üzre sâye
Ki sâye kanden olsun bedri âye

İkilikden dur sâye nişânı
Olurbirlik yolında sâye fâni

Çü evvel kesreti vahdetde buldı
Son ucu vahdeti kesretde buldu

Bes âhir kesret ü vahdet birikdi
Livâ-yı Hamd’ini birlikde dikdi
Ten ile ol sebebden kıldı Mirâc
Delile olmayavuz dahi muhtâc

5 Sûre-i Necm âyet/ 9

73