Page 76 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Yazuklu ümmetime armağanı
Namaz oldı niyâzı oldı me’âni

Ne kim Miraç içinde geçdi hâli
İki rek’atde bulındı misâli

Didi ben irdüğüme irsün ümmet
Zihî şefkat zihî a’lâyı himmet

Eğer hâs ümmet isen gel vefâ kıl
Şefiu’l-müznibîn’e iktidâ kıl

Kişi ol sevdise dahi anı
Severem dirsen kani nişanı

Delile davayı ışk olur âsân
Gerekdür lîkin ol da’viye ma’ni burhân

Anun has ümmeti ki evliyâdır.
Yolında her birisi rehnümâdır.

[16a] Anun miras hûri bunlar oldı
Ne kim ol kodı ise anı buldı

Ne kim ol cevri çekdi gördi bunlar
Ne kim ol sevdi ise sevdi bunlar

Olârunçün ki vâ şevka buyurdı
Hilâfet tâcın anlara giyürdi

Harâb ü mest ü geldiler ezelden
Sefalar buldular ilm ü amelden

Bûlarun ferşi olmuşdur felekler
Bûlarun hâdimi oldı melekler

Bûlarunçün döner bu çerh-i gerdûn
Bûlarunçün gelür gider dûn ü gün

76