Page 75 - ibrahim_tennuri_gulseni_niyaz

İkinci Bölüm | Metinler

Didi Perverdiğârı İy Habîbüm
Ki dertli kullara sensin tabîbim

Dilek sen dilemeden oldı makbul
Ne dilek varsa sende bendeki ol

Ne dilek sen dilersen ben dilerem
Ne yaşı sen silersen ben silerem

Kimi sen sevdin ise ben dahi hem
Kimi sen kodın ise ben dahi hem

Seni seven hakikat beni sevdi
Beni seven gumansız seni sevdi

Netekim sen işler isen iş benümdür
Sen âletsin velî cünbüş benümdür

Eğer olmıyaydın sen Şâh-ı Levlâk
Ne yirler yaradılurdı ne de Eflâk

Senündür aceb gencümde ne var
Senündür cennet ü Firdevsi dîdar

Çü mahrem kıldı seni Padişâhı
Tufeylündür serây-ı bâriğâhı

[15b] Çü oldum ben senün ayruk ne gamdur
Benüm katumda varlıklar ademdür

Zihî bahşayiş ü ikrâm ü izzet
Ki Hak’dan buldı ol mahbûb-ı hazret

İşi bitdi muradı hâsıl oldı
Dilekler irmedüğin dahi buldı

Çü indi âlem-i ulviden ol şâh
Münevver kılmış anı nuru’l-lâh

75