Page 77 - ibrahim_tennuri_gulseni_niyaz

İkinci Bölüm | Metinler

Şarâbı vâsıl tadın buldı bunlar
Cihan lezzetlerüni n’eylesünler

Çün bunlar Hak’dan oldılar müeyyed
Bûları kılmadı âlem mukayyed

Bûlara bir durur ikrâr ü inkâr
Beraber oldı haristân ü gülzâr

Bülar terk itdiler âr ile nâmus
Bûlar zikr işidür çalınsa nâkus

Bular esrâr içinde seyr iderler
Ne yirde yoklu olsa hayr iderler

[16b] Nebi yolunı bunlar gösterirler
Atasından bize onlar virürler

Hatadur bir nefes onlarsuz olmak
Bize vacip durur anları bulmak

Vesile hak yolına anlar oldı
Sa’adet buldı kim anları buldı

Giderme olarun ışkun gönülden
Sefa vü zevk ü şevkını gönülden

Veli hak’dur hak anla hak nazar kıl
Ana ten bakma canundan hazer kıl

Dökerse kimyasın bir nazardan
Kara toprağı yek eyler güherden

Bûlardur mazhar-ı ışk-ı İlâhi
Bûlardur genc-i lutf-i padişâhi

Tadarsan evliyâ zevki tadından
Bulur bir zerre cânun ışk od’ından

77