Page 78 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Kime kim Hak-Çalab’dan irdi tevfik
Delil ü hemdem ü ışk oldı tahkik

Ki ışk’a iren içdi âb-ı hayevan
Kimün ki ışkı yokdur oldı hayvan

Kime kim ışkı meylu’llâh oldı
Yeri çah iken anun cah oldı

[17a] Çü vardur âlem-i ulvide ışkun
Nedür bu külhân-ı süflide işün

Hakikat oldurur çalak tizirek
Cihandan götür ükülin tizirek

Getürgil nisbetün bu dürr ü bişden
Hayi usanmadun kimi yaz ü kışdan

Nice kim sana mâni oldı âleti
Hakikat meskenündür yirün altı

Üzilüp terk idersen yiri-dâmı
Dokuzdan yukaru tutdun makâmı

Bu bağlardan çıkarsan şâd olasın
Mücerred ruh olup âzâd olasın

Seversen canını terk eyle cismi
Eğer genc ister isen ko tılsımı

Tenün yiridür bu yir yâr
Devânun meskeni gülzâr u envâr

Seni ten bilme sen can iste cânân
Tenün hod olıser toprağa yiksân

Ne yirden gelmiş isen anı iste
Mübârek cânı kalma zâr ü hasta

78