Page 72 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Firakı degeşürildi çün visâle
Mukâbil oldı âyine cemâle

Hıtâbı Hazret irdi ki Ey Habibîm
Kim bu dem sana key çokdur nasîbüm

Ne dilek var ise arzeylegil tiz
İcâbet kılalum bin lutf ile tiz

Dilek virem sana râzı olınca
Kamû matlûb-ı maksûdun bulınca

[13b] Hıtâbıyla çü buldı lezzeti ûş
Şol kadem söze geldi bülbül-i fürûş

Çü aklı Âdem oldı nefsi Havva
İkiden ışk şâhı oldı peyda

Müşerref kıldı cümle hâs ü âmi
Ki buldı kısmeti Rûm’ı vü Şâm’ı

Çü yıldızlarda seyri âhir oldı
Tulu’-ı âfitâbı zâhir oldı

Bilindi vedduha ve’l-leyli sırrı
Ayan oldı sadefden pak ü dürri

Saçından küfri yüzündendür iman
Sıfatı gevher oldı gönli umman

Çü irdi izzetiyle din kemâle
İrişdi cism ü canı i’tidâle

Zuhûra geldi ol ilm-i İlâhi
Yazıldı safhada menşûr-ı şâhı 4

Hakikat zâhir oldı hem Şeriat
Şeri’at ne ise oldur hakikat

4 Sûre-i Duha ayet/ 1

72