Page 90 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Biri didi ben kemend atıcıyam
Varlığumı yâr içün satıcıyam

Sana hablullâh oldı ol kemend
Kim sökile anunile cümle bend

Kör neyler sevenin gücüni
Arşa bırakdı kemendin ucunı

Lik cezbe kudretündür ol çeker
Sevgü tohmın her gönülde ol eker

Ol kemendin saydı her vahşi değül
Ol sa’adet değmeler bahşî değül

Biri edür üş kulundur nakabzen
Gâyet üstâdem bu fen içinde ben

[24a] Çünkü idem cidd ü cehd-i bâliğa
Nakabum ider o köye o bâlığa

Nekabzen fikrin durur kim kıl yarar
Her işe mikdar idüb sûret kazar

Gizlü yerlerden nikâb alur açar
Yirleri anlar vü gönlinden geçer

Arpa arpa gökler ahvalin bilur
Gerdişün bu hefte vü sâlin bilür

Didi sultan ben dahi hasiyyetüm
Dimiye kim her neyse fikr ü niyetüm

Sakalum çûn depredüb dâd eyleyem
İy nice tutğun âzâd eyleyem

Kâmile besdür işâret ey aziz
Harf ile mâ’niler anlar fikri tiz

90