Page 119 - ibrahim_tennuri_gulseni_niyaz

İkinci Bölüm | Metinler

Didiler düşvar buyrukdur bu söz
İy aceb bu Bekir’i kande buluruz

Şehrün üstadı o yeri bünyadını
Kim işitdi bunda bu Bekir adını

İstediler yürüyüb bölük bölük
Kapu kapu ev ev delük delük

[41a] Girdiler pazarına çağırdılar
Her tarafdan adı ile haykırdılar

Üç gün üç gice şehre daldılar
Aramakdan denk ü âciz kaldılar

İstediler mescid ü meyhanede
Nâgehân bir yalunuz viranede

Gördiler bir kişi Türkî za’îf
Renc ve açlıktan teni olmış nahif

Didiler iy hasta adın eyle yâd
Didi bu Bekir atâ anam verdi ad

Didiler şah okıdı tiz urıtur
Ahd kılarsan varıcak bend-kur

Didi gücüm varmise varaydum
Sanmanuz kim yürüyüb eraydüm

Kalduğum bunda zaruretden durur
Sanmanuz sizünle ülfetdendurur

Ölü gibi nerdübâne sardılar
Şah-ı senî hazretine vardılar

Çün Muhammed şah gördi ağladı
Hasret odından yüreğin dağladı

119