Page 121 - ibrahim_tennuri_gulseni_niyaz

İkinci Bölüm | Metinler

Sanmagıl kim ol gönül kıymet bulur
Çün tabiat sebze varından alur

Ol tabiattan gönül sayru olur
Tengri zikrinden müdam ayru olur

Doğmayınca ol tabiattan temâm
Bil selim olmaz gönüller ve’s-selâm

Gönül ol vaktin selim ola kim ol
Bu cihan sevgüsine olmaya kul

Levh-ı mahfuz oldı ol adı gönül
Zâhir eyler gizlu esrârı gönül

Ol gönülde nice ma’ni yazıla
Kim günehler karasıyla meşk ola

Dünya fikir evine gönül dime
Yıkılursa ol gönül kaygu yime

Mescidi fark itmedün meyhaneden
Beyt-i ma’mûrı dahi viraneden

Gönül içinde sanemdür ol heva
Sûrete karşı namaz olmaz deva

Olmayınca nefs-i kâfir zecrile
Nisbet itmek kendüzün sahibi dile

[42b] Ehl-i dil âyinesinden hak nazar
Kıluben virür cevabına zib-i karr

Kimi der iste sebeb gönül dürür
Kimi kim sevse vesile oldurur

Âleme andan mededler irişür
Halk andan düzene gönül virişür

121