Page 126 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

[45a] Erden avratdan aldılar haber
Gördi bildi nedür sahib-i nazar

Kim bu fitne cümle avratdan durur
Her me’ani fehm-ı sûretden durur

Bu meseldir sana ma’ni bilmege
Ten gerekdür canı ya’ni bilmege

Harfile görindi Kur’ân gözlere
Harfile geldi bu ma’ni sözlere

Görinür mi şol nesimiyi nevbahar
Sûreti pinhan fiili âşikâr

Gül cemâlinden görindi nevbaharı-nesim
Şol sadefden nitekim dürr-i yetim

Geldük imdi bu mesel takririne
Koyalum her kasdı yerlü yerine

Akl ol erdür ki nûrânî durur
Nefs ol avrat ki zulmânî durur

Akl rahmanî vü şeytani beden
Cinsiyetde bir değüldür can ü ten

Ab-ı hayevan akldur ten zulmeti
Akıle mihnet durur ten sohbeti

Nûr ile zulmet karışmadı bile
Od ile hem su barışmadı bile

[45b] Her biri aslına çeker her nefes
Şah ile şahbaz güllükde meges

Dahi yikrek diyem bir hoş mesel
Bilmege ma’ni meseldür bî-bedel

126