Page 127 - ibrahim_tennuri_gulseni_niyaz

İkinci Bölüm | Metinler

Ol mehabbet kani mecnûn-ı safa
Ki muhibler arasında mukteda

Çünkim isterdi ki leylîsin köre
Vaslıyla zahminde merhem ura

İki üç günlük yol idi menzili
Ol nigarın meskeni ve mahfili

Bir köşeklü devecügi varıdı
Hayli vakitdi anunla yâridi

Binüb anı azm iderdi yârine
Ol teninde canı dildârına

Işk câmı aldu yolda gider
Dilber la’lin ana dönüş eder

Dostı içün dostuna meyler içer
Hayreti aklın yenüb ezer geçer

Şöyle oldı kim harâb ü mest ü var
Yolda kalur gider elden meh-pâr

Köşegiçün yine döner ol deve
Yine mecnunı götürür bu eve

[46a] Vussı gelicek acebler bu işi
Hasretinden kan dökilür gözyaşı

Didi merkeb ışk ardında benüm
Eylümeden ol cemâli gülşenüm

İhtilaf oldı niderüm merkebi
Âşıkın birdür tarık-ı mezhebi

Terkin urdı merkebün oldı yayak
Âşıka bir oldı yakin ü ırak

127