Page 131 - ibrahim_tennuri_gulseni_niyaz

İkinci Bölüm | Metinler

[48a] Pes mehekdür doğrı yârin sohbeti
Nakdün anunla bilinür illeti

Yâr didügüm hakikat ehlidür
Hem tarikat hem şeri’at ehlidür

Levh-i mahfuz oldı yârin ayini
Gösterür buna niyyatın hâlîni

Mü’minün mü’mindurur ayinesi
Her kuduretden ki yuna sinesi

Ahiret bâzârınun mizânı yâr
Her kimün kim yâri var mizânı var

Kimde kim vardur terazü kem degül
Hasılî şaddur anun gam degül

Omür bir demdür geçergil ol demi
Ol kişi ile ki oldı âdemi

Âdemi oldur ki bile kıymetün
Kendüden yegnile ide sohbetün

Assı ol andan bula ya andan ol
Birbirinün gönline açıla yol

Çünki ola hem-nişinün bî-vefa
Göriser sen la-cerem cevri cefa

Ayinede çünki görür ol yüzin
Gayb kılmazsın illâ kendüzin

[48b] Kimde kim akl ola vü nûr-ı basar
Zâtını ol görmez illâ pür-hüner

Kendü yüzin gördü oldı beri
Enbiya ve evliyânun münkeri

131