Page 135 - ibrahim_tennuri_gulseni_niyaz

İkinci Bölüm | Metinler

Hikmet ü ilime sevgü harç ol dı
Tâ bekâ bu fenada derc oldı

Çün gönül gözinün ayyarı yuna
Bir görine hakikatile fena

Yiri olmadı hiç nesne abes
Mahv olur irecek kadime hades

Bu hadesden görindi kaf-ı kıdem
Nitekim gösterir vücudı adem

Görinmeyen ma’ni ise sûret ne
Sûret ise bu sirr ü hikmet ne

Nitekim birgörindi câmı şarâb
Şişe içinde yahud olsa gülâb

[50b] Su neye girse kabı rengin alur
Ehl-i sûretdür ol ki renge kalur

Ehl-i ma’ni katında fark olmaz
Girse bahri denizde gark olmaz

Değmeler bu sırra kaçan ire
Kim gözi aklun oldı key Hire

Dökdi akl ol hevada bal ü perin
Bi-haber oldı bulmadı haberin

Fehm ile vehmin oldı zehresi çâk
Hiç bu zahme bulmadı tiryâk

Gün yüzin nice göriser huffaş
Saltanat bahri değül evbaş

Hisse vü akla sığmaz ol cânân
Ma’ni-i sûret anda sergerdân

135