Page 137 - ibrahim_tennuri_gulseni_niyaz

İkinci Bölüm | Metinler

Canı yok şekli ten-perest olanın
Işkı yoktur hevada mest olanının

Can denizinden oldı can bir kef
Gevher ü dürr içün dizildi sadef

[51b] Kef vücuduna itibar itme
Can ilin iste aslın unutma

Vatanun anuben dökersin yaş
Ölmeyesin ebed bulasın baş

Şimdi gözler ki yaş dökerler
Ol denizden durur bu gevherler

Bu cihan ol ahiret diridür
Biri oldı sadef gibi biri dürr

Ten cihan ister vü sever biri
Ahiret cana kim ol durur yeri

Nice kim ten hicâbdur bâki
Sanma câm-ı vahdet ol sâki

Bir mesel diyeyin ki hallola söz
Dahi yok göstere bu ayine yüz

Bir suyun kırakında bir divar
Vardı yüceliginde hemçü minar

Oturur bir susamış üstünde
Suya iremez akardı altında

Benzi susuzlığıyla solmışıdı
Ana divar ma’ni olmışıdı

Nitekim sudan ayrılur balık
Şöyle bîçâre idi ol âşık

137