Page 136 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

İkisinden münezzeh oldı bir
Gerçi bir kıldı ikisi takdir

İk harf oldı ma’ni ve sûret
İkiden hâsıl oldı bu kesret

Kim yakîni anlasa güman nedir
Bi-nişanı bulan nişanı nedir

İşbu söz ehl-i dil katında yakîn
Mevc-ü derya misali oldı hemin

[51a] Katra çünkim denizden ayrıldı
Biri katra biri deniz oldı

Çünki katra girü denize irüser
Bir olur cümle bu nişan-ı haber

Canile çün bir olur sûretler
Zâhir oldı safa vü hikmetler

Ol ki can bilmezidi ol ilde
Ber kemâl oldı işbu menzilde

On sekiz bin kim oldı bu âlem
Cümle bir oldı didiler adem

Âdemi ol durur bula birlik
Birlik içinde kesb ide dirlik

Cümle mahv olmayınca biri kalmaz
Ana vahdet nikâbını salmaz

Can kim yoldaş oldı canı beden
Har ile sakladı güli gülşen

Gülistanda murad bülbüle gül
Mest bağı nedir gerekdür mül

136