Page 133 - ibrahim_tennuri_gulseni_niyaz

İkinci Bölüm | Metinler

8. dâsitân-ı gürbe
kedi destânı

[49a] Ger inâyet kılursa Kâdir
Edeyiz bir lâtife nâdir

Hem latif anlaya latife nedür
Hûb sözler yiter latifi nedür

Hezle benzer eğerçi bir yüzden
Lik tahkik anla bu sözden

Bir kişi vardı iyü sîret
Ana yoldaşdı yavuz avrat

Kazanub her ne kim götürse ele
Avratı virürdı cümle yile

Nice ol evde buluna bereket
Ki müdam ola anda bu hareket

Et götürdi eve buçuk batman
Okımak istedi meger mihman

Avrat eti yidirdi sevdügüne
Fitne düzüp getürdi mekr ögüne

Er gelüb evde bulmadı bişmiş
Gönlüne hâsıl oldı key teşviş

[49b] Kakıyub avrata çün urdı leti
Didi avrat çetük yidi ol eti

Er didi tartâlim terazü uş
Veznile bellüdür yidiyse hoş

Tartdı ol er ne eklü kim itdi
Hem buçuk batman ağırdı kedi

133