Page 140 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Âşık olan yıkar bu seddi yine
Dürr bulur dalar deniz dibine

Susamışlar bilür su kıymetini
Harc ider ana fikr ü himmetini

Zî-sa’adet ana ki tâlibdür
Âb-ı hayevana ışkı gâlibdür

Âb-ı hayevan içenler ölmediler
Kaldılar taze hiç solmadılar

Âb-ı hayevan mehabbeti bilgil
Teşne gönüllere ol oldı sebil

Sanmagıl ki mehabbet oldı heva
Işkı bulan hevâya nice uya

Ma’rifet ışkı bilmek oldı bilün
Canı sultan-ı ışka taht kılun

[53b] Ol Ledün-ilmi ışk ile bilinür
Işk ile olmazsa kim alınur

Işk sığmadı denmeler önine
Kendüzin gösterür dil-ârâguna

Menba’î ademîde bulındı
Ol güneş bunda doğdı dolındı

Bir pınarı ki taş ü topraklar
Gizleyüb örte ot ve yapraklar

Eridüb eşmeyince akmadı
Göziyle kendüzin çıkmadı

Can ezelden ki geldi bî-illet
Toprağa yoldaş oldı bir müddet

140