Page 144 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Bu ögütlerden bulasız assılar
Lâ-cerem ögüt alanlar asıllılar

Ol kişi dahi salıverdi kuşı
Ögüt almak istedi ya’ni kişi

Elde iken kuş didi iy pür-hısal
Zinhâr inanma işitesin söz muhal

Mümkin olmaya muhâlin olmağı
Kimseye olmaz müyesser bulmağı

Çünki ol kuş didi bu hoş ögüdi
Uçdığından sonra ögüdi didi

Ol emânet geçmişi içün gam yime
Gam yeyüben son ucı neydim dime

Geçmişi içün gam yiyenler ham olur
Has olanlar ortasında âmm olur

Fevt olanın yokdur dahi çâresi
Sabırla olur bu zahmın yâresi

Hak buyurdı gussalanman gam içün
Şâd olmak eldeki bu baht içün

Bu haberden sonra didi iy hakîm
Kursagımda on direm dürr-i yetim

[56a] Vad iddi hayfa ki anı bilmedün
Dürr-i sadef nedür tefekkür kılmadun

İrmişdi bahtıyle devlet sana
Bilmedün kadrimi vâ hasret sana

Bilseyidün ben hümanın kıymetini
Hâsıl ideydün cihanun ni’metini

144