Page 148 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Bulmayınca derdine lâyık deva
Olmadı hacetleri hergiz deva

Muhtelifdür renc-i şerbet dahi hem
Bunı bilmek oldı hikmet dahi hem

[58a] Her deva bir derde derman oldı çün
Derdi olan can virür dermanı içün

Ten devası can devası bir degül
Ten gıdası can ü gönül bir degül

Bu cihan sayrusı hikmet bilmeye
İşidürse dahi assı kılmaya

Şerbeti zira ki şehvetdür yine
Bu cihan ile mehabbetdür yine

Hikmete zulm eyledi anı diyen
Şekeri kaçan belâ ağu yâyın

Ehl-i dil derdine hikmetdür deva
Nitekim bülbül nevasıdür neva

Âşıkun mâşukı neyler âlemi
Zahmınun dilber sözidür merhemi

Mustafa kim Hak sözini vahyile
Aşikâra söyledi her mahfile

İşidenlere kıluridi eser
Kime zehr olur idi kime şeker

Münkirün inkârı sıdk-ı sadıkun
Câhilün cehli ışkı âşıkun

Nitekim yağar baharun yağmurı
Birine ağu birinündür dürri

148