Page 150 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Didi ahmakdan kaçaram ahmakı
Sevmezem bir derece Tengrı hakkı

Didiler İsâ değülmi hizmetün
Âleme oldı mübârek hazretün

Her demünden can gelür ölmişlere
Tazelik gelür kamû solmuşlara

Hak sana şol hikmeti virmişdür
Hem elün her kudrete irmişdürür

Gözsüze göz elsüze el rayegan
Bir du’a ile bağışlarsın ayan

Kara balçıktan ki düzdün kuşları
Bir demünden buldılar cünbüşleri

N’ola ger çâre kılursan ahmaka
Tâ ki cehli gidiben döne hakka

Didi anun pak zâtı içün kim ol
Var idup yoktan bana gösterir yol

İsm-i A’zam kıldı erzâni bana
Her demüm ölü dirildür görsena

[59b] Bunca rencura kim oldum ben deva
Ahmagun derdine bulamadum deva

Mü’minin her derdi oldı ibtila
Ol belâdan sonra rahatlar bula

Ahmagun derdi ezelden kahirdur
Kim ana tiryak ursa zehirdür

Vay ana kim Hak’dan irmez çâresi
Merhem urdıkça açılur yâresi

150