Page 151 - ibrahim_tennuri_gulseni_niyaz

İkinci Bölüm | Metinler

Tanrı vermeklik gerekdür kişiye
Nûrı olmayan nicesi ışıya

Kaçduğı İsâ bize ta’limidi
Yohsa İsâ kani ahmak kimidi

Zemheri ger dutar ise âlemi
Güneş’e hergiz ziyanı olamı

Gözsizün görmediğinden güle ne
Bir su acı olunca Ceyhun’a ne

Gerçi toprak oldı altun ma’deni
Kendiye benzetmedi hiç altunı

Zehir tiryâke idirse ne ziyan
Yir tütüninden kararmaz âsüman

Vâcib oldı bezigü perhiz idevüz
İyi yoldaş ile yola gidevüz

[60a] Sohbet itme ahmakıla bir nefes
Bir değüldür âdemiyle hiç kes

Can degir ehl-i âdeminün sohbeti
Öldürür iki cihanun ni’meti

İy yoğı var eyleyub ni’met viren
Bahtlu kullarına hikmet viren

Şeyi-li’llâh hikmetünden iy hakîm
Bahşişün âm oldı lütfun delîm

Ol Habîbün hürmeti içün iy Çalab
Rûzî kıl İbrahim’e ışku taleb

Ol devadan canümüz ayırmağıl
Rahmetin yüzin bizden ırmağıl

151