Page 156 - ibrahim_tennuri_gulseni_niyaz
P. 156
Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz
Yüzgeç olmayub suya dalan kişi
Gark olmakdur anun sonra işi
Çünki bahri olana elini vire
La-cerem tizirek kenarına ire
Ol evin kim bir tarafdan güneşe
Yol bula gözgü aksi düşe
Uş temam oldı misali pîr ile
Yerlü yerini anladun takrir ile
Her yiğit kim kıla pîre iktidâ
Pîr olub son ucı ola muktedâ
Kuşı kim ola şimdi yumurda yidi
Ol yumurda acem kande idi
[63a] Çünki kuş altında bula terbiyet
Ol yumurta kuş olub açdı kanet
Çün yumurta işbu hâli geçürür
Kuş olub ol dahi bir kuş uçurur
Kabı ikidür yumurdanun biri
Aku sarudur içinde cevheri
Taş kabı ten iç kabı nefs ü heva
Akı akıl sarusı can iy safa
Çıkmayınca işbu urunıdan mürid
Ol muradı kendiye olmaz mezîd
Çıkdığı ya’ni ki kullukdan koya
Bâtılı terk ide Hakk’a uya
Yohsa aletdür ki yüzi terekdir
İşbu kesretdür birlik kesb ider
156
