Page 159 - ibrahim_tennuri_gulseni_niyaz

İkinci Bölüm | Metinler

[64b] İşi Hak işledi cünbiş anun
Bilki cünbiş dahi Hak’dan iş anun

Gerçi kim Musâ Kelimu’llâh idi
İrmedi bu menzile hasret idi

Didi kim didâr göster göreyim
Zahmüme anunla merhem urayım

Göreyim dimek çü benlikde idi
Hak anunçün şimdi görmezsin didi

Bes enâniyet hicâb oldı ana
Tura bakğıl didi Tanrı görsana

Tur eger katlanursa sen dahi
Göresin hem göstereyen beni dahi

Tura oldem kim tecellî oynadı
Od içinde düşdi sankim kaynadı

Niçe kim benlikde Turun var ola
Hasılun sinün kaçan dîdâr ola

Kılca benlik sed olur Hak’dan yana
Perde ardından görinmez yüz sana

Çünki Musâ bu hıtâbı dinledi
Tevbe kıldı özür idüben anladı

Bildi kim benlikde bulınmaz murad
Benliği olana mahbûb olmaz ad

[65a] Tengri mahbûbı Muhammed’dür hemin
Girü kalânı mühib oldı yakin

Bildi çün Musâ kimündür bu nasîb
Kimi mahbûb eylemişdür ol habîb

159