Page 164 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Muhtesib bildi ki içmişdir şarab
Didi hey! hâlün nedür vergil cevab

Didi hâlümdür cevab anlarısen
Söylemek hacet degül dinlerisen

Hâl dilini anlar isen dil nedür
Kuşdilini anlar isen bil nedür

[67b] Didi neden böyle mest oldun digil
Didi andan didiler adını söligil

Didi ol sokakdekinin adı ne
Didi bilmezler neler veledi ne

Didi açuk böyle çok uma egin
Ol kim cana benzer ten segen

Didi söz devr-i teselsül gösterür
Söyleme iki dahi batıl durur

Didi bu devre teselsül irmeye
Aşıkın deyrine zâhid girmeye

Didi bu sözün derindir ayırmayam
Didi vallah servirem sıru virmeyem

Muhtesib didi ki bir âh it görem
Didi âh niderem ben “hû” direm

Hasret odından bütündürur ah ey
Mest ü şâdem işüm oldı hûy-ı hay

Sen bana firkatden idersin demi
Ma’rifet ben unutdım vuslatıyle her demi

Muhtesib didi sözi uzatmağil
Ma’rifet dürrin bana satmağil

164