Page 169 - ibrahim_tennuri_gulseni_niyaz

İkinci Bölüm | Metinler

Söylemeklik kâmilündür kemlere
Kim irişe ıssı âlemlere

Kendü kayusı olan sözi nedir
Sözi ko, kenduzün ortadan gider

Sözi işitmekde dahi vardur hüner
Evvel işitmek durur sonra nazar

[70b] Anadan sağır toğan bilmez sözi
La-cerem yitmek gerekdür gözsüzi

İşiden kişi tutar sözi yine
Göz kulak yoldaş olur söz ana

İşidüb görmekdür andan söylemek
Tâ ki sonra zayi’ olmaya emek

Tıfıl oğlan evvel işidür görür
İkisinden sonra sözde dem urur

Ey Huda’ya rahmetündür bî-aded
Senden irişe meger lütf ü meded

Yogiken mevcud kıldın cûdile
Gözlere görmek irişdi sûd ile

Göze ki verdün ol dahi birpâre yağ
Yandı ol yağun içinden bir çerağ

Kudretün kim ol göze çün verdi nûr
Kancaru kim baka ibretler görür

Zâhirun göz gördi gaybun can gözi
Göze anunçün görinmez can yüzi

Dil ki virdün ol dahi bir pâre et
Geldi ol andan söze yüzbin lugat

169