Page 173 - ibrahim_tennuri_gulseni_niyaz

İkinci Bölüm | Metinler

Bu zamanda vardı bir padişah
Feth ü devletle geçürdi sâl ü meh

Dini dünya devleti çün Çalab
Virmişdi ana bî-renc ü taleb

İttifâkan bir gün atlandı emir
Bilesinde nâib ü şâh ü vezir

Çünki ava bindi seyran eyledi
Halka hem adliyle ihsan eyledi

Bir kenizek gördi yolda nâgehân
Âşık oldı ana virdi akl ü cân

Işka birdür has ü âm şah kul
Şahı kul eyler kulu eyler kabul

Ava giderken özi oldı şikâr
Şâh iken ışka esir oldı mekkâr

Hüsün oldı dâne anun dâmına
Yile virdi nice neng ü nâmına

Hüsün dâm la’lü olmışdur şarab
Ol şaraba uş ciğer oldı kebab

Hûb yüzde kaşlar anun yasıdur
Kirpik okı hancer u elmasıdur

[73a] Kara gözler sakî vü humârıdur
Taze yüzler gülşeni gülzârıdur

La’li zevkı çeşme-i hayevanidür
Tatlu sözler bülbül destânıdur

Işka bunun gibi mazhar olmadı
Ol hurûfa böyle defter bulmadı

173