Page 176 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Âşık olan derdini ma’şuka sor
Kim tabib oldur devasını ol bilür

Âciz oldı her hakîm her tabib
Bilmediler kim nitedür ol Habib

Bildi aczin bunlarun şah-ı cihan
Yalın ayak secdeye vardı hemen

Ağlayu secdeye urdı yüzüni
Mahv idüben yavi kıldı özüni

[74b] Yâvi varmayınca bulunmaz murad
Kendüzin dâd alanlar buldı dad

Secdesinden çün götürdi yüzüni
Kan yaş doludurmışdı gözüni

Didi iy hâcetleri iden reva
Kapuna geldüm esir ü bî-neva

İy aza çok bahşişün melik-i cihan
Sana ma’lûm âşikâra vü nihan

Âciz ü dermande kaldum tut elüm
Bî-dil ü serkeşteyem göster yolum

Beni kendü hâlüme bir dem koma
Kâmil eyle eksügumi kem koma

Can içinde idecek âh ü hurûş
Tanrınun rahmet denizi kıldı cûş

Ağlar iken uyku geldi gözine
Bir veli su saça od’ı gözine

Görinüb didi beşâretdür sana
Diyeyim dermânını inan bana

176