Page 172 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

12. destân-ı sarraf padişahî kenizek dest daşte
bir sarrafın hikâyesi ve padişahın bir câriyeye tutulması

[72a] İşidün iy dostan bir dâsitan
Kendü nakd-i hâlimüzdür güman

Her ne kim oldı oliserdür kamû
Kendüzünden taşra görme iy amû

Âlemün levhinde ne kim yazdırak
Oldı aklun tıflına ilmü ve sebak

Akl bâliğ olıcak üstâd olur
La cerem şişe tutar ışk ud olur

Lâm illetdür bilürsin şin şifa
Çün şifa buldı göründi her sefa

Nakşî yazılmadan okur bu kez ol
Akl-ı kül olur ana şâkir ve kul

Işk oldı âfitâbu ve aklu nûr
Nûrun aslını bilenler fer’i kor

Nüshasıdur kâyinatun âdemi
Ademide gizledi ışkı ve demi

Bir kitâbı çünki tasnif ideler
Okıyacak olmaz ise ne nideler

İlm-i gayb âşikâre sendedür
Biri can içinde biri tendedür

İki âlem varlığınun cem’isin
Meclisin hem şâhidi hem şem’isin

[72b] Dinle imdi ol hikâyetden cevab
Söz öküş “vallahü a’lemü bi’s-sevab”

172