Page 174 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Kim bu defter şerhi oldı kâinat
Bunda göründi sıfat-ı ism-i zat

Şeh gönül virdi ana oldı zebun
Akçe altun virub aldı satun

İrecek maksûdına şâdoldı şâh
Neyledi gör ana takdir-i İlâh

Hasta oldı ol kenizek nâgehân
Zağferana döndi reng-i erguvân

Hükm-i takdir irse tedbiri bozar
Her ne kim kendü diler anı bozar

İki kat oldı kenîzek elfi dal
Renc ile inceldi bedir oldı hilâl

Ol sebebden şah oldı key melûl
Bağır katında gözine kıldı yol

Kande kim meşhur vardur bir tabib
Cem’ kıldı yerlu olsa ya garib

[73b] Didi kim derse buna derman kılam
Ben ana çok bahşişi ihsan kılam

Çünki sıhhat bula ol canum benum
Anun olsun lal ü ve mercanum benum

Gözlerumün canı canum canıdur
Derdümendem derdümün dermanıdur

Tatlu ömrüm acıdur ansuz bana
Hiç gerekmez bu teni cansuz bana

Didiler iy şâh hizmet kılalum
Sehl ola derman derdini bilelum

174