Page 179 - ibrahim_tennuri_gulseni_niyaz

İkinci Bölüm | Metinler

Gönli hasta olmuş anun ışkıle
Bildi kim derman içün ne iş kıla

Şaha ol vakit âşikâre itmedi
Ol beğ andan şer sözin işitmedi

Işk derdi benzemez illetlere
Işk sığmaz mezheb ü milletlere

Ol Huda kim yokları var eyledi
Âlemi ışk ile envar eyledi

Işkı kaçan şerh îde bu kîl ü kâl
Işk açılmaz bellü olmayınca hâl

Şems bir zerre ile kaçan vasf ola
Bahr-i umman bir damla ile kaçan dola

Gerçi kim yazar kalem ışkın sözin
Işka îrecek od ider kendüzin

Işk sözini yine ışk eyler beyan
Ayni ışk oldı eyler ayan

Ol ayana aynı var sormaz delil
Kim delil isterse görmez bellü bil

[76b] Işka ışk oldı delil-i rehnüma
Belki anun sâyesidür ol Hüma

Bu söze yokdur nihayet yine dûn
Ol hikâyet kâlini fevt olmasun

Ol veli dîdi sarayını halvet it
Belki şaha sen dahi oturma git

Tâ ki soram bu kenizek hâlini
Bildirem he ne ise ahvâlini

179