Page 180 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Olmasun kim işide ağyarlar
Faş ola gönüldeki esrarlar

Şah gitdi kaldı ikisi yalunuz
Ol veli nabzın tutdı açdı söz

Arkun arkun sordı aslını hâlin
Verdi ol dahi haber birin birin

Uğraduğı yirleri bir bir temam
Halkını adlu adıyle ve’s-selâm

Nabzı ol sormağile deprenmedi
Yüzi hiç bir renge dahi dutmadı

Ta Semerkandî ve halkın söyledi
Adlu adıyile kim şerh eyledi

Başladı deprenmege nabzı katî
Oldır nigârinun şol dem safi sûretî

[77a] Anda bir sarraf sevmişdi meger
Ol veli aldı zamîrinden haber

Yolda görmişdi geçerken yüzini
Zahmına saçmışdı ışkı tozunı

Kanki bâzâr içiredür dükkânını
Sordı bildi hem adı ü hem sânını

Didi imdi sabr kıl demsazunı
Bilmesun zinhar şah bu râzunı

Sırrını sakla ki server olasın
Kan içinde dürrü gevher bulasın

Kanlu yaşun sile lütfî peyk ile
Tâ biraz hayretden odun yinile

180