Page 182 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Hiç anun katında bir sarraf yok
Varı dahi nesne bilmez lafı çok

Adını işitdi sevdi san’atun
Diler ol kim anda var hizmetün

Düzecek vardur katında düzesin
Ol ki hoş düzülmemişdür düzesin

[78a] Sonra katında mukarreb olasın
Mansıb ikrâm ü izzet bulasın

Uş getürdük mal ü ni’metler sana
Gidelüm bu günde key durma tana

Çün kişi çok malı gördi ansuzın
Aldanub terk eyledi oğlın kızın

Bilmedi ol dânenün dâmı var
Çün behâsıdur anun malu tavar

Dâm eyladi cihanı dâmına
Dünyeyi bî-dâm gözsüzler sana

Zirek olan kurtular bu dâmdan
Puhteler işi gelür mi hâmdan

Dânenündâmı bu ışkı oldı veli
Mübtelâ eylen ana can ü dili

Lîk ol dâma düşenler az olur
Ol kuşa lâyık değül şahbaz olur

Aldılar sarrafı bunlar geldiler
Şâh-ı âdil Hazretine irdiler

Şâh gördi kati ta’zim eyledi
Ana bir genc hâne teslim eyledi

182