Page 185 - ibrahim_tennuri_gulseni_niyaz

İkinci Bölüm | Metinler

Şâh kimdür ol kenizek sende kim
Ol veli kimdür ki olmışdur hakîm

Ol tabîb olanlar yahud misâl
İdeyim ger dinlediysen bî-melâl

Şâh candur ol kenizek nefis bil
Ol veli olanı ışkı anlakıl

Ol tabib olanları bilgil yakîn
Hiss-i bâtın birle aklundur hemîn

Key işitgil cümlesin şerh ü beyan
İdeyim bir bir ayan olsun ayan

Ol zaman kim yaradıldı cânımuz
Kıble olmışdı bize cânânımuz

Bilelik câmından içerdük şarâb
Ne fırak odın bilürdük ne hicâb

Bilmez idük ten nedür yahud cihan
Âşinalık şehrin anlarduk heman

Hak diledi ışk odı zâhir ola
Nûrla cümle cihan ma’mur ola

[80a] Akl cân yağına hergiz yanmadı
Yalunuz ol yağı içüb kanmadı

Bil fetile dahi yağ bol gerek
Bir çıralık olsa dahi yigirek

İşbu olanlar kamû cem’ olduğı
Şem’adan nûru hem şem’oluğı

Oldurur kim cem’i vahdet bulalar
Furkatün terkinde vuslat bulalar

185