Page 177 - ibrahim_tennuri_gulseni_niyaz

İkinci Bölüm | Metinler

Geliserdür sana yarın bir konuk
Her ne da’va kim idem oldur tanuk

Key hakîm vü key tabibi anla anı
Müşkilünden kurtaran oldur seni

[75a] Rast-ı mutlak göresin timârını
Âb-ı hayevan elün ağzı yârını

Gice geçdi çünki subh oldı temam
Her tarafa âlem nûrı doldı temam

Etdi altun sularını âfitâb
Yazdılar yüzine yüzbin kitâb

Tutdı kızıl gül gülistan yöresin
Yumdı nergisler yüzini yâsemin

Şeh saray önünde oldı muntazır
Tâ açıla ana ol gördiği sır

Vadesi gerçek dürür sâdıkların
Ahdi muhkem yâr ile âşıkların

Görine kim bir şahs-ı nûrani gelür
Didi budur kim ana derman kılur

Tal’atı almış melekden bacını
Bay budur ki lütf ile muhtacını

Sâyesidür iki âlem nûrinun
Işkı can olmuş teninde cevrinün

Her deminden can gelür îsî sıfat
Gönildür dolu safa vü ma’rifet

[75b] Şah bildi kim budur ol hâss
Bunun avucından buluserdür halas

177