Page 170 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Ol kalemden nakle geldi bu huruf
Kudretün yazıcısı bular kut

[71a] Bu kulak kim işidür bu sözleri
Akl ol yoldan işidür razları

Bir delik dahi burun hoş yiyler
Câna irişür kaçan kim yiyiler

Zevk ile oldı müşerref bu dimağ
Yohsa kaçan bilineydi bal ü yağ

Her biri bir gizlü ilmin ayeti
Zâhir oldı her birinün hikmeti

Akla irşâd eyleyen hisdür yine
Kimyanın talibi sırdür yine

Dahi yigrekdür bu bâtın hisleri
Kimyadur altun iden misleri

Cân dilidür söylemiş cânânile
Külhanî hemdem değül sultanile

Ol cemâli bu gönül gözi görür
Can kulağına sözi lezzet virür

Akl ü can vü gönüle hod irmez bilü
Anlarun ilmini bilendür bahtulu

Ademîde zâhir oldı iyş ü dem
Anınçün oldı şâh-ı muhterem

Bakdılar âdemde ol ışk u deme
Secde kıldılar melekler Âdeme

[71b) Dükeli Ya Rab senün hikmetlerün
Mün’imi sensin bu çok nimetlerün

170